Lyrics

Einn dagur enn læðist frá mér
og safnast til hinna
sem hurfu einn af öðrum
í tímans rás.

Þótt þú værir fjarri í dag
og ég gæti ekki snert þig
var líkt og þú værir hér hjá mér.

Því ég finn fyrir þér
af öllu afli í hjarta mér.
Það kemur til af því
að sérhvern dag finnst mér þú vera hér

Einn dagur enn hverfur frá mér
á leið út í buskann
og kemur ei aftur
er liðin tíð.

Hver dagur sem líður án þín
er samt hamingjudagur
af því að þú ert
í huga mér.

Því ég finn fyrir þér
af öllu afli í hjarta mér.
Það kemur til af því
að sérhvern dag finnst mér þú vera hér

- millispil -

Einn dagur enn er senn horfinn
í næturhúmið.
Svo birtist að nýju
einn dagur enn.